सफाई कर्मचार्‍यांसाठी तक्रार निवारण समिती

सफाई कर्मचार्‍यांसाठी तक्रार निवारण समिती: पिंपरी : पिंपरी-चिंचवड महापालिकेमार्फत मनपामध्ये कार्यरत असलेल्या सफाई कर्मचार्‍यांच्या तक्रारींचे निराकरण करण्यासाठी ‘अ, ब, क, ड’ प्रभागांतर्गत सफाई कर्मचारी तक्रार निवारण समिती गठीत करण्यात आली. या समितीमध्ये अखिल भारतीय सफाई मजदूर काँग्रेसशी संबंधित २२ कार्यकर्त्यांची सदस्यपदी नेमणूक करण्यात आली.

सदर नेमणूक अखिल भारतीय सफाई मजदूर काँग्रेसच्या शिफारशीनुसार करण्यात आली. या महाराष्ट्र सफाई कर्मचारी आयोगाने मनपा अधिकार्‍यांसोबत बैठक घेऊन कमिटी गठीत करण्याची विनंती केली होती. त्यानुसार महापालिकेने समिती गठीत केली. समितीमार्फत पिंपरी-चिंचवड मनपा सफाई कर्मचारी यांना भेडसावणार्‍या विविध समस्यांबाबत तोडगा काढण्यात येईल.