हेलिपॅडला प्राधिकरणाची मंजुरी

पिंपरी : द्रुतगती मार्गावरील अपघातग्रस्तांना हॉस्पिटलमध्ये हॅलिकॉप्टरने आणण्यासाठी प्राधिकरण परिसरात हेलिपॅड उभारण्यासाठी जागा देण्याच्या विषयास पिंपरी-चिंचवड नवनगर विकास प्राधिकरणाच्या सभेत तत्त्वत: मान्यता देण्यात आली. प्राधिकरणाची ३0६ वी सभा विभागीय आयुक्त प्रभाकर देशमुख यांच्या अध्यक्षतेखाली झाली. बैठकीस प्राधिकरणाचे मुख्य कार्यकारी अधिकारी डॉ. योगेश म्हसे, महापालिकेचे शहर अभियंता सदस्य महावीर कांबळे, अधीक्षक अभियंता बी. डी. यमगर, नगररचना उपसंचालक प्रतिभा भदाणे आदी उपस्थित होते.