२६३ मंडळांकडून श्रींचे विसर्जन

पिंपरी : गणपती बाप्पा मोरया पुढच्या वर्षी लवकर असा जयघोष करीत तसेच बाप्पांना पुढच्या वर्षाचे अगत्याचे निमंत्रण आगाऊ देत सातव्या दिवशीही शहरातील घाटांवर गणरायाचे भावपूर्ण विसर्जन करण्यात आले. घराघरांत बसविलेल्या गणपतींसह शहरातील २६३ मंडळांनीही आज श्रींची वाजतगाजत मिरवणूक काढत विसर्जन केले. मंडळांची संख्या मोठी असल्याने पोलिसांनीही विसर्जन मिरवणुकांमध्ये चोख बंदोबस्त ठेवला.