पुरवठादाराविरुद्ध फौजदारीचे मनपा प्रशासनाचे आदेश

पिंपरी : शिक्षण मंडळाबरोबर झालेल्या करारानुसार महापालिका शाळेतील विद्यार्थ्यांना नामांकित कंपनीचे बूट, मोजे वाटप करणे आवश्यक असताना, वेगळ्याच कंपनीचे हलक्या प्रतीचे बूट, मोजे वाटप केले, असा आक्षेप नोंदवून सभापतींच्या अनुपस्थितीत शिक्षण मंडळ सदस्यांनी संबंधित पुरवठादारावर कारवाई करण्याची मागणी केली. त्याची दखल घेऊन पुरवठादाराविरुद्ध फसवणुकीचा गुन्हा दाखल करावा,असे पत्र प्रशासन अधिकार्‍यांनी पोलिसांना दिले आहे.