पुणे-नाशिक महामार्ग चौपदरीकरणासाठी मोजणी सुरू

राजगुरुनगर- पुणे-नाशिक महामार्गाच्या चौपदरीकरणासाठी सोमवारी (ता. 21) राजगुरुनगर हद्दीतून सुरवात करण्यात आली. या महामार्गाची रुंदी सध्या 120 फूट असून, चौपदरीकरणासाठी दोन्ही बाजूने 15 फूट भूसंपादन करण्यात येणार आहे. यामुळे महामार्गाची रुंदी 150 फूट होणार आहे. दरम्यान, महामार्गावरील प्रमुख शहरांमध्ये करावयाच्या बाह्यवळणाबाबत मात्र प्रश्‍नचिन्ह आहे.