विम्याचे हप्ते न भरणार्‍या कष्टकरी नेत्यासह दोघांवर गुन्हा

पिंपरी : कष्टकरी महिलांचे विम्याचे हप्ते कंपनीत न भरता तीन लाखांचा अपहार केल्याप्रकरणी कष्टकरी कामगार पंचायतीचे अध्यक्ष बाबा कांबळे व त्यांची पत्नी आशा कांबळे (दोघेही रा. भक्ती कॉम्प्लेक्स, पिंपरी) यांच्यावर फसवणुकीचा गुन्हा पिंपरी पोलीस ठाण्यात दाखल करण्यात आला. तर त्यांचा भाऊ प्रल्हाद कांबळे यांच्यावरही फसवणुकीचा गुन्हा दाखल केला आहे.
याप्रकरणी छबिता रामचंद्र गलपलू (वय ४0, रा. कैलासनगर, पिंपरी) यांनी फिर्याद दिली आहे. पोलिसांनी दिलेल्या माहितीनुसार, बाबा कांबळे यांनी २00९ ला सत्यशोधक युवक मंडळ या नावाने भारतीय आयुर्विमा महामंडळाच्या (एलआयसी) शिवाजीनगर शाखेमार्फत जीवन मधूर या पॉलिसीची एजन्सी घेतली.