अजित पवारांचा ‘समजूतदौरा’ रद्द

पिंपरी : मावळमध्ये आमदार लक्ष्मण जगताप यांनी बंडखोरीचे रणशिंग फुंकल्यानंतर उपमुख्यमंत्री अजित पवार यांच्या आजच्या पिंपरीतील थेरगाव येथे होणार्‍या बैठकीकडे कार्यकर्त्यांचे लक्ष लागले होते. मात्र, जुन्नर तालुक्यातील गारपीटग्रस्त भागाच्या दौर्‍यानिमित्ताने पवार यांची ही बैठक रद्द झाली. मात्र, यामुळे जगताप यांच्या उमेदवारीचे वातावरण तापवित ठेवण्याची ही खेळी असल्याची चर्चा सुरू झाली आहे. त्यामुळे कार्यकर्त्यांतही संभ्रमाचे वातावरण निर्माण झाले आहे.