महापालिका आवारात दुपारी खासगी वाहनांना प्रवेश बंद

पर्यायी व्यवस्थेअभावी नागरिकांची तारांबळ
मावळ लोकसभा निवडणुकीसाठी उमेदवारी अर्ज पिंपरी-चिंचवड महापालिकेत स्वीकारण्यात येणार असल्याने वाहनांची गर्दी टाळण्याच्या दृष्टीकोनातून खासगी वाहनांना महापालिका आवारात दुपारी 11 ते 3 या वेळेत प्रवेश बंद केला आहे. मात्र पर्यायी व्यवस्था नसल्याने वाहनचालकांची तारांबळ होत आहे. अधिका-यांकडून पर्यायी व्यवस्था असल्याचे सांगितले जात असतानाही सुरक्षारक्षक व पोलीस नागरिकांना ही माहिती देत नसल्याची तक्रार नागरिक करीत आहेत.