मावळचा आज फैसला

पिंपरी : आमदार लक्ष्मण जगताप यांच्या बंडाच्या झेंड्यामुळे राष्ट्रवादी कॉँग्रेसमध्ये निर्माण झालेला घोळ निस्तरण्यासाठी उपमुख्यमंत्री अजित पवार शुक्रवारी थेरगाव येथे मेळावा घेणार आहेत. मावळमधून ‘डमी उमेदवार शोधला जाणार का? की जगताप यांचीच समजूत काढली जाणार याबाबत उत्सुकता आहे. राष्ट्रवादी कॉँग्रेसकडून संभाव्य उमेदवार म्हणून चर्चेत असलेल्या बहुतांश जणांनी पक्षाच्या बळाशिवाय ‘डमी’ म्हणून लढण्यास नकार दिला आहे.