आघाडी सरकारविरोधात लढणार

पिंपरी : अनधिकृत बांधकामप्रश्न न सोडविल्याने काँग्रेस, राष्ट्रवादी आघाडी सरकार विरोधात लोकसभा निवडणूक लढविणार असल्याची घोषणा चिंचवडचे आमदार लक्ष्मण जगताप यांनी पिंपळे गुरव येथे केली. मावळ लोकसभेसाठी राष्ट्रवादीकडून जगताप यांची उमेदवारी निश्‍चित मानली जात असताना अचानकपणे त्यांनी घेतलेल्या भूमिकेने राजकीय खळबळ उडवून दिली आहे. रविवारी शेतकरी कामगार पक्षाचे नेते जयंत पाटील आणि मीनाक्षी पाटील यांच्या समवेत जगताप यांनी आघाडी सरकार विरोधात दंड थोपटले आहेत. जनता देईल तो पर्याय स्वीकारेन, अशी भूमिका जगताप यांनी घेतली.