गर्दीचा उठविला प्रचारासाठी फायदा

पिंपरी : कोपरा सभा, जाहीर सभा, पदयात्रा, प्रचार फेर्‍यांसाठी गर्दी जमविण्यासाठी नाना क्लृप्त्या अवलंबणार्‍या निवडणुकीतील उमेदवारांना सोमवारी डॉ. बाबासाहेब आंबेडकर जयंतीमुळे पिंपरी चौकात मोठा जनसमुदाय आयता उपलब्ध झाला. या गर्दीचा प्रचारासाठी फायदा उठविण्याचा त्यांनी प्रयत्न केला. विविध पक्षांच्या उमेदवारांच्या डिजीटल स्क्रिन असलेल्या व्हॅन पिंपरी चौकात मोक्याच्या ठिकाणी उभ्या होत्या. त्यावर प्रचार सुरू होता.