प्राधिकरणाच्या शंभर हेक्टरचा ताळमेळ नाही

पिंपरी-चिंचवड नवनगर विकास प्राधिकरणाच्या सुमारे शंभर हेक्टर जागेबाबत प्रशासनाला ताळमेळच लागत नसल्याचे निदर्शनास आल्यानंतर आमदार लक्ष्मण जगताप यांनी अधिकाऱ्यांना फैलावर घेतले. तसेच हद्दीतील अनधिकृत बांधकामे नियमित करण्याच्या दृष्टीने विकास आराखड्यातील सेक्टर क्रमांक २९ ते ४२ च्या नकाशाची (ले-आउट) पुनर्रचना करावी, अशी सूचनाही जगताप यांनी केली.