रिंगरोडबाबत "गोलमाल'

पुणे - पुणे आणि पिंपरी-चिंचवड शहरातील वाहतुकीची समस्या सोडविण्यासाठी महत्त्वाच्या असलेल्या पुणे महानगर क्षेत्र विकास प्राधिकरणाच्या (पीएमआरडीए) रिंगरोडला राज्य सरकारने मान्यता दिली आहे; मात्र याबाबतचा अंतिम अध्यादेश अद्याप काढलेला नाही. त्यामुळे या रस्त्याचे काम सुरू होऊ शकलेले नाही. दरम्यान, एमएसआरडीसी आणि पीएमआरडीए या दोघांपैकी कोणाचा रिंगरोड मार्गी लावावा, असा प्रश्‍न सरकारपुढे निर्माण झाल्यानेच अध्यादेश काढण्यास उशीर होत असल्याचे बोलले जात आहे.