परराज्यातील गाठींपेक्षा स्थानिक साखरगाठींना पसंती

चिखली - गेल्यावर्षीच्या तुलनेत साखरेच्या दराबरोबरच दूध पावडर आदी कच्च्या मालाच्या दरात मोठी वाढ झाल्याने यावर्षी साखरगाठींच्या दरात वीस टक्के वाढ झाली आहे. त्यामुळे व्यापाऱ्यांनी परराज्यातील स्वस्त साखरगाठीची मोठी आयात केली आहे; परंतु स्थानिक गाठी भेसळविरहित आणि दर्जेदार असल्याने ग्राहकांकडून स्थानिक गाठीलाच मोठी मागणी होत असून, पुणे व पिंपरी-चिंचवड परिसरातील व्यापाऱ्यांनी सुमारे दीड लाख किलो गाठीची मागणी स्थानिक कारखानदारांकडे केली आहे.