थोरात, नायर यांचा “स्वीकृत’चा मार्ग मोकळा

मुख्यमंत्र्यांचे फर्मान : भाजपमधील वादावर पडदा? 
पिंपरी,  (प्रतिनिधी) – भाजपमध्ये स्वीकृत सदस्य निवडीवरुन सुरु असलेल्या वादावर पडदा पडण्याची चिन्हे आहेत. स्वीकृतसाठी यापूर्वी जाहीर केलेली नावे कायम ठेवत त्यात कोणताही बदल केला जाणार नसल्याचे मुख्यमंत्री देवेंद्र फडणवीस यांनी फर्मान काढले आहे. त्यानुसार स्वीकृत सदस्य निवडीवर महापालिका सर्वसाधारण सभेत शिक्कामोर्तब करण्यात येणार आहे. त्यामुळे माउली थोरात व बाबू नायर यांच्या स्वीकृत सदस्यपदावरील टांगती तलवार दूर झाली असल्याचे समजते. पक्षनेता एकनाथ पवार यांनीही त्याला दुजोरा दिला आहे.