पालिका तिजोरीवर नियोजनबद्ध दरोडा – प्रशांत शितोळे

पिंपरी, (प्रतिनिधी) – महापालिका निवडणुकीआधी तिजोरीचे पाहरेकरी असलेले सत्तेत आल्यावर दरोडेखोर बनले आहेत. नागरिकांना मोफत घरांची स्वप्ने दाखवून खोटे फॉर्म वाटण्यासाठी दुकाने थाटली. पंतप्रधान आवास योजनेला मंजुरी घेण्याअगोदर घरांचे अर्ज मागवून, घरे कोणाला द्यायची? त्यांचीही संपूर्ण यादी बनवली आहे. त्यामुळे पंतप्रधान आवास योजना ही भाजपचा पालिका तिजोरीवरील नियोजनबद्ध दरोडा आहे, असा आरोप स्थायी समितीचे माजी सभापती प्रशांत शितोळे यांनी शनिवारी पत्रकार परिषदेत केला.