पिंपरीचे महापौर कुणबी मराठाच; पुणे जिल्हा जात समितीचा निकाल

पिंपरी : इतर मागासवर्गीय (ओबीसी) प्रवर्गासाठी राखीव जागेवर कुणबी
म्हणून निवडणूक लढवून विजयी झालेले पिंपरी- चिंचवडचे भाजपचे महापौर नितीन
काळजे यांचे कुणबी जात प्रमाणपत्र पुुणे जिल्हा जात पडताळणी समितीने
ग्राह्य धरले आहे. त्यामुळे ते डेंजर झोनमधून बाहेर पडले आहेत.कुणबी
मराठा म्हणून ओबीसी जागेवरून निवडून आलेल्या पिंपरी-चिंचवड महापालिकेतील
इतर 16 नगरसेवकांना अगोदरच "क्‍लीन चीट' मिळाली असल्याने शहरातील सर्वच
नगरसेवकांवरील कुणबी दाखल्याची टांगती तलवार आता दूर झाली आहे.