साई चौकातील वाहतूककोंडीची आमदार लक्ष्मण जगताप यांच्याकडून पाहणी ; अधिकाऱ्यांना केल्या सूचना

सांगवी-किवळे बीआरटी मार्गावरील साई चौकात होणाऱ्या वाहतूक कोंडीमुळे संपूर्ण पिंपळेसौदागर आणि पिंपळेनिलख भागातील नागरिकांना मनस्ताप सहन करावा लागत आहे. त्याची दखल घेऊन भाजपचे शहराध्यक्ष व आमदार लक्ष्मण जगताप यांनी स्थानिक नगरसेवक शत्रुघ्न काटे व अधिकाऱ्यांसोबत साई चौकाची पाहणी केली. या चौकातील वाहतूक कोंडी सोडविण्यासाठी आमदार जगताप यांनी महापालिका व प्राधिकरणाचे अधिकारी आणि वाहतूक पोलिसांना विविध सूचना केल्या.