भाजप नगरसेवक बेशिस्त ; विरोधी पक्षनेत्यांची टीका

पिंपरी – महापालिका सत्ताधारी भाजपचे पदाधिकारी स्वच्छ व पारदर्शक कारभाराच्या नावाखाली अनागोंदी पध्दतीने वागत आहेत. गेल्या पंधरा वर्षे सत्ताकाळात राष्ट्रवादी कॉंग्रेस व कॉंग्रेसने शहरातील विकास कामात अनेक प्रकल्प कार्यान्वित केले. परंतु, भाजपाचे अतिउत्साही नगरसेवक राष्ट्रवादीने पुर्ण केलेले प्रकल्पांची नावे बदलण्याचा घाट घालत आहेत. तसेच, त्या कामाचे झालेले भूमिपुजन, उद्‌घाटन गैरपध्दतीने पुन्हा करुन त्याचे श्रेय लाटण्याचा प्रयत्न करीत आहेत, असा आरोप विरोधी पक्षनेते योगेश बहल यांनी केला.