शहरातील उद्योजकांची चार वर्षांपासून ससेहोलपट

• चाकण “एमायडीसी’तील जागेचा ताबा रखडला

पिंपरी, (प्रतिनिधी) – पिंपरी-चिंचवड औद्योगिक परिसरातील उद्योजकांनी चाकण औद्योगिक वसाहतीमध्ये कारखाना चालू करण्यासाठी तीन वर्षांपूर्वी अर्ज केले आहेत. या सर्व उद्योजकांना टप्पा क्रमांक दोनमधील डी-ब्लॉकमधील भूखंड मंजूर केला असतानाही स्थानिक गावकऱ्यांच्या विरोधामुळे हा भूखंड ताब्यात मिळालेला नाही. त्यामुळे या उद्योजकांच्या समस्यांत दिवसेंदिवस वाढ होत आहे. येत्या 15 दिवसांत ही समस्या न सोडविल्यास “एमआयडीसी’ कार्यालयाबाहेर आंदोलन छेडण्याचा इशारा पिंपरी-चिंचवड लघु उद्योग संघटनेच्या वतीने दिला आहे.