पवना धरण परिसरातील “कृषी पर्यटना’वर “संक्रांत’?

• मावळातील व्यवसाय धोक्‍याच्या वळणावर

पिंपरी – सोळा मे रोजी जागतिक कृषी पर्यटन दिन म्हणून पाळला जातो. या धरर्तीवर राज्य शासनाने 16 मे रोजी कृषी पर्यटन दिन साजरा केले जाणार आहे. विभागीय कार्यालयामार्फत कृषी पर्यटन कार्यशाळेची नावनोंदणीही सुरू झाली आहे. याशिवाय महाराष्ट्र राज्य कृषी व ग्रामीण पर्यटन सहकारी महासंघ मर्यादित अर्थातच मार्ट. राज्यात “मार्ट’मार्फत कृषी पर्यटनाला चालना दिली जात असताना मावळ तालुक्‍यातील पवनाधरणकाठच्या कृषी पर्यटन केंद्र चालवणाऱ्यांना धरण प्रशासनाकडून नोटीस बजावण्यात आल्या आहेत. त्यामुळे कृषी पर्यटनाला “मार्ट’कडून मिळणाऱ्या पाठबळाला अतिक्रमणाच्या नावाखाली स्थानिक प्रशासन खीळ घालतेय का ? असा सवाल या निमित्ताने पुढे आला आहे. मावळातील कृषी पर्यटनाबाबत घेतलेला मागोवा…