अखेर उद्योग संघटनांची एकजूट

पिंपरी – गेल्या कित्येक दशकांपासून वेगवेगळ्या समस्यांशी झुंजत असलेल्या पिंपरी चिंचवडच्या उद्योग जगताने आपल्या समस्या सोडविण्यासाठी उद्योग संघटना एकजूट झाल्या आहेत. पिंपरी चिंचवड चेंबर ऑफ इंडस्ट्रीज, कॉमर्स, सर्व्हिसेस ऍण्ड ऍग्रीकल्चर, पिंपरी चिंचवड लघु उद्योजक संघटना, पिंपरी चिंचवड प्लॅस्टिक मॅन्युफॅक्‍चर्स असोसिएशन, पिंपरी चिंचवड रबर इंडस्ट्रीज असोसिएशन, पिंपरी चिंचवड औद्योगिक व बिल्डींग मटेरियल उत्पादक व पुरवठादार असोसिएशन या पाच संघटनांनी एक होऊन पिंपरी चिंचवड एम.एस.एम.ई इंडस्ट्रीज असोसिएशन फोरमची स्थापना केली आहे. याची अधिकृत रित्या घोषणा फोरमच्या पदाधिकाऱ्यांनी एका पत्रकार परिषदेत केली.