बोपखेल पुलासाठी आमदार जगतापांच्या पाठपुराव्याला यश; लष्कराकडून जागा देण्याबाबत महानगरपालिकेला पत्र

निर्भीडसत्ता न्यूज  – पिंपरी-चिंचवड महानगरपालिका हद्दीतील बोपखेलसाठीच्या मुळा नदीवरील उड्डाणपुलासाठी आवश्यक जागा  देण्यास संरक्षण खात्याने सहमती दर्शिवली आहे. त्यामुळे बोपखेल रस्त्याचा प्रलंबित प्रश्न अखेर मार्गी लागला असून भाजपचे शहराध्यक्ष आणि आमदार लक्ष्मण जगताप यांच्या  पाठपुराव्याला यश आले आहे. संरक्षण खात्याने या जागेची २५, ८१, ५१, २०० रुपये इतकी किंमत सांगितली असून या जागेच्या बदल्यात संरक्षण विभागाच्या जागेलगत पर्यायी जागा महानगरपालिकेने उपलब्ध करून द्यावी, असे पत्र पिंपरी-चिंचवड महानगरपालिका आयुक्तांना पाठविले. त्या संदर्भात महानगरपालिका पातळीवर लवकरच निर्णय घेण्यात येणार आहे.