घरात-दुकानात शिरले पाणी

सांगवी – काही दिवसांपूर्वीच आलेल्या काही मिनिटांच्या पावसाने सांगवी आणि पिंपळे गुरव परिसराची अवस्था बिकट केली होती. यावेळी पालिका प्रशासनाने मान्सूनपूर्व कारवाईच्या नावाखाली काहीही केलेले नाही, हे स्पष्ट झाले होते. त्यावेळी पालिका आणि लोकप्रतिनिधींवर टीकेची झोड उठली होती. त्यानंतरही पालिका प्रशासनाकडे बराच कालावधी होता, परंतु पालिका प्रशासनाने काहीही केले नाही आणि गुरुवारी पुन्हा एकदा पावसाने पालिकेचे पितळ उघडे पाडले. कित्येक ठिकाणी नागरिकांच्या घरांमध्ये रस्त्याच्या कडेला असलेल्या दुकानांमध्ये पाणी शिरले होते.