गुरुवारी सायंकाळी शहरातील पाणीपुरवठा बंद

निगडी, सेक्‍टर क्रमांक 23 येथील जलशुध्दीकरण केंद्रातील पाणी पुरवठा विभागाची नियमीत दुरुस्तीची कामे, विद्युत विभागातील रावेत पंपींग स्टेशनमधील तातडीची आवश्‍यक कामे आणि शहरातील पाणी वितरण व्यवस्थेतील दुरुस्तीची कामे येत्या गुरुवारी (दि.28) करण्यात येणार आहेत. त्यामुळे शहरात गुरुवारी एकवेळेस सकाळी पाणी पुरवठा करण्यात येणार असून संध्याकाळी पाणी पुरवठा होणार नाही. शुक्रवारी (दि.29) रोजी होणारा सकाळचा पाणीपुरवठा कमी दाबाने व अनियमित होण्याची शक्‍यता आहे. नागरिकांनी उपलब्ध पाण्याचा पुरेसा साठा करुन काटकसरीने वापर करण्याचे आवाहन, महापालिकेच्या पाणी पुरवठा विभागाने केले आहे.