पवना बंद जल वाहिनीसाठी आता मुख्यमंत्र्यांकडे “फिल्डिंग’

पिंपरी- पिंपरी-चिंचवड शहराला पाणी पुरवठा करणाऱ्या पवना धरणापासून रावेत बंधाऱ्यापर्यंत बंद पाइप मधून पाणी आणण्याच्या योजनेला राज्य सरकारने स्थगिती दिली आहे. मात्र, ही योजना मार्गी लावण्यासाठी महापौर राहुल जाधव यांनी चांगलेच मनावर घेतले आहे. याकरिता या विषयावर मुख्यमंत्री कार्यालयाशी पत्र व्यवहार करून मुख्यमंत्री देवेंद्र फडणवीस यांची वेळ घेऊन चर्चा करण्यासाठी प्रयत्न सुरू केले आहेत.