पिंपरी-चिंचवड शहराचे पाणी पेटले

पिंपरी-चिंचवड शहराला पाणीपुरवठा करणाऱ्या पवना, आंद्रा आणि भामा आसखेड धरणातून पिण्याचे पाणी देण्यासाठीच्या आरक्षणास राज्य सरकारच्या मंत्री उपसमितीने फक्त मुदतवाढ दिली. या धरणातील पाण्याच्या आरक्षणास राष्ट्रवादी काँग्रेसचे नेते व तत्कालीन उपमुख्यमंत्री अजित पवार यांनी मंजुरी दिली आहे. भाजप पदाधिकाऱ्यांच्या वेळकाढूपणामुळे पाण्याचे आरक्षण रद्द झाले होते. आता शहरासाठी आम्ही पाण्याचे आरक्षण मंजूर केल्याचा ढोल भाजपचे पदाधिकारी बडवत आहेत; तर हे भाजपचे सर्वात मोठे अपयश असल्याची टीका पालिकेतील विरोधी पक्षनेते दत्ता साने यांनी केली आहे.