नदी स्वच्छतेसाठी ‘रिव्हर सायक्लोथॉन’

'इंद्रायणी नदीची स्वच्छता करण्यासाठी 'रिव्हर सायक्लोथॉन २०१८' हे अभियान राबविले जाणार आहे. भोसरी परिसरात पर्यावरण क्षेत्रात कार्यरत असणारी अविरत श्रमदान संस्था, सायकल मित्र पुणे, महेशदादा स्पोट्‌र्स फाउंडेशन आणि पिंपरी-चिंचवड महानगरपालिकेच्या वतीने रविवारी २ डिसेंबरला हे अभियान राबविले जाणार असून, यामध्ये अधिकाधिक नागरिकांनी सहभागी व्हावे,' असे आवाहन आमदार महेश लांडगे यांनी पत्रकार परिषदेमध्ये केले. या वेळी महापौर राहुल जाधव, सायकल मित्र पुणे संस्थेचे डॉ. नीलेश लोंढे, दिगंबर जोशी, रिव्हर सायक्लोथॉनचे निमंत्रक सचिन लांडगे, पिंपरी-चिंचवड मनपा इंजिनीअर असोशिएशन जयकुमार गुजर, सुनील बेळगावकर, श्रीनिवास दांगट, पिंपरी-चिंचवड बार असोशिएशनचे ॲड. सुनील कडूसकर, सोमनाथ मसगुडे, आतीष लांडगे आदी उपस्थित होते.