टिकटॉकचा गैरवापर केल्यास कठोर कारवाई – आयुक्त पद्मनाभन

पिंपरी : केवळ मनोरंजनासाठी तयार करण्यात आलेल्या अ‍ॅप्लिकेशनचा दुरुपयोग करत त्यातून अश्‍लील, बदनामीकारक आणि चुकीचे व्हिडिओ बनविण्यात येत आहेत. यामुळे भांडण, आत्महत्या, सार्वजनिक ठिकाणी गोंधळ, वाहतुकीस अडथळा असे अनेक प्रकार घडत आहेत. मात्र याची पिंपरी-चिंचवड पोलिसांनी गंभीरपणे दखल घेतली असून असा उपद्व्याप करणार्‍यांवर कठोर कारवाई करण्यात येणार असल्याची भूमिका पोलीस आयुक्त आर. के. पद्मनाभन यांनी व्यक्त केली.