चिंचवडमधील कामगार कार्यालयाला अवकळा

पिंपरी – पुणे जिल्हा कामगार उपआयुक्तांच्या अखत्यारीत चिंचवड 1985 पासून कामगार कार्यालय कार्यरत आहे. या शासकीय कार्यालयाची अतिशय भयानक अवस्था झालेली आहे,

याच कार्यालयात दुकाने निरीक्षक कार्यालय व माथाडी बोर्डाचे शासकीय कार्यालय असल्याने नागरिकांची येथे मोठ्या प्रमाणावर वर्दळ असते. चिंचवड येथे असणाऱ्या या कार्यालयाची इमारत ही खुप जुनी असून तुटलेल्या खिडक्‍या व पायऱ्यांचे लोखंडी संरक्षक ग्रील बऱ्याच वर्षांपासून तुटलेलेच आहेत. तसेच बाहेरील आवारात विद्युत दिवेही नाहीत. त्यामुळे ये जा करताना काळजी घ्यावी लागते, बऱ्याच दिवसांपासून भिंतींना रंगरंगोटी झालेली नाही. कार्यालयात जुनाट फर्निचर व मातीच्या ढिगाऱ्यात असणारी कागदपत्रांचे गठ्ठे यामुळे या कार्यालयाचे वातावरण नेहमीच उदासीन असते.