पिंपरी-चिंचवड महापालिकेच्या शाळांमध्ये 127 शिक्षकांची होणार भरती

पिंपरी – मागच्या कित्येक दिवसापासून पिंपरी-चिंचवड महापालिका शाळांची डोकेदुखी होऊन बसलेल्या शिक्षकांच्या रिक्‍त जागांचा प्रश्‍न आता मार्गी लागण्याची चिन्हे दिसू लागली आहेत. राज्य शासनाने जाहीर केलेल्या शिक्षकांच्या मेगा भरती प्रक्रियेमध्ये महापालिकेच्या प्राथमिक शाळेतील 127 शिक्षकांच्या रिक्‍त जागाही भरण्यात येणार आहेत. त्यामुळे, कित्येक वर्षापासून शिक्षक होण्याचे स्वप्न पाहणाऱ्या बेरोजगार उमेदवारांमध्ये उत्साहाचे वातावरण निर्माण झाले असून शिक्षक भरती होणार असल्याने शाळांचा रिक्त पदांचा प्रश्‍न देखील सुटणार आहे.