पहिल्या टप्प्यात ‘मेट्रो’ निगडी पर्यंत धावण्याची शक्यता ‘धुसरच’

पहिल्या टप्प्यात पिंपरी चिंचवड शहरात मेट्रो निगडीपर्यंत नेण्याच्या मागणीचे स्वागतच आहे. भविष्यात नक्कीच याचा फायदा होईल, प्रवासी संख्या वाढेल. आता महापालिकेसोबत त्यासंदर्भात चर्चा सुरू आहे. केंद्र सरकारच्या परवानगी महत्वाच्या आहेत. मेट्रो निगडीपर्यंत नेण्यास आम्ही सकारात्मक अाहोत. मात्र त्यासाठी आवश्यक परवानगी आणि निधी हे दोन्हीही नसल्याचे सांगत महामेट्रोचे व्यवस्थापकीय संचालक डॉ. ब्रिजेश दिक्षीत यांनी या प्रश्नावर थेट उत्तर देणे टाळले.  त्यामुळे तुर्तासतरी मेट्रो निगडीपर्यंत धावण्याची शक्यता ‘धुसरच’ झाली आहे.

…तरच पहिल्या टप्प्यात निगडीपर्यंत मेट्रो!

पिंपरी – शहरातील नागरिकांनी पहिल्या टप्प्यात निगडीपर्यंत मेट्रो मार्गिका न्यावी, या मागणीबाबत महामेट्रो सकारात्मक आहे. महापालिकेच्या स्थायी समितीने पिंपरी ते निगडीपर्यंतचा “डीपीआर’ बनविण्याची मागणी केली आहे. मेट्रोचा खर्च केंद्र व राज्य सरकार 50-50 टक्के करीत आहे. उर्वरीत मेट्रोसाठी त्यांची आवश्‍यक ती परवानगी मिळणे गरजेचे आहे. परंतु, पहिल्या टप्प्यात निगडीपर्यंत मेट्रो नेण्यासाठी महापालिका खर्च करणार असेल, तर निश्‍चितच विचार करण्यात येईल, अशी माहिती महामेट्रोचे व्यवस्थापकीय संचालक डॉ. ब्रिजेश दीक्षित यांनी पत्रकार परिषदेत दिली.

पालकमंत्र्यांच्या आदेशाला वाटाण्याच्या अक्षता

पिंपरी – महापालिकेत सत्तांतर होवून भाजपने सत्ता हस्तगत केल्यानंतर पिंपरी-चिंचवड शहराचे कारभारी म्हणून पालकमंत्री गिरीश बापट यांनी कामकाजात लक्ष घातले आहे. बापट यांनी पवना नदीवरील पुर्वीचा बंधारा जीर्ण झाल्याने नवीन बंधाऱ्याचे काम तातडीने हाती घेण्याच्या सुचना पाणीपुरवठा अधिकाऱ्यांना दिल्या. परंतु, पाटबंधारे व पाणीपुरवठा अधिकाऱ्यांत समन्वय न राहिल्याने पवनेचा बंधारा अद्याप कागदावर राहिला असून पालकमंत्र्याच्या आदेशाला 

ज्येष्ठांच्या प्रवास पास शुल्क वाढीचा निषेध

पिंपरी – पुणे महानगर परिवहन महामंडळ लि. (पीएमपीएमएल) व्यवस्थापनाने ज्येष्ठ नागरिकांच्या मासिक प्रवासी पास शुल्कात जाचक वाढ केली आहे. या शुल्क वाढीचा ज्येष्ठ नागरीक जन आंदोलन कृती समितीच्या वतीने निषेध केला आहे.

थांब्यावरही थांबत नाही बस

पिंपरी – मुंबई-पुणे महामार्गावर पिंपरी-चिंचवड महापालिकेच्या समोरील मोरवाडी चौकात बस थांबा आहे. मात्र, या बस थांब्यावर बहुतेक बसेस थांबत नसल्यामुळे प्रवाशांची गैरसोय होत आहे. पुणे महानगर परिवहन महामंडळ लि.च्या (पीएमपीएमएल) निष्काळजीपणाचा फटका नागरिकांना बसत आहे. यामध्ये सुधारणा घडवून महामंडळाने येथील थांब्यावर बस थांबवाव्यात, अशी मागणी प्रवाशांकडून होत आहे.

प्राध्यापकांसाठी कौशल्य विकास कार्यशाळेचे आयोजन

ताथवडे – जयवंत शिक्षण प्रसारक मंडळ संचलित ताथवडे येथील राजर्षी शाहु अभियांत्रिकी महाविद्यालयाच्या वतीने ए. आय. सी. टी. ई. च्या सहकार्याने प्राध्यापक कौशल्य विकास कार्यशाळेचे आयोजन करण्यात आले आहे.

रिसेंन्ट ट्रेंडस इन इंटरनेट ऑफ थिंग्ज या विषयावर ही कार्यशाळा होईल. 4 ते 15 डिसेंबर 2017 या कालावधीत होणाऱ्या या कार्यशाळेत आय. ओ. टी. सोल्युशन पर्सिस्टंट सिस्टिम्सचे वरिष्ठ उपाध्यक्ष डॉ. आर. के. व्यंकटेश्वरन हे मार्गदर्शन करणार आहेत. यावेळी जेएसपीएमचे संस्थापक सचिव डॉ. टी. जे. सावंत, संचालक डॉ. रवी जोशी, अनिल भोसले, डॉ. एम. डी. टकले असणार आहेत.

चिखलीत थिनरच्या कारखान्याला भीषण आग

पिंपरी – चिखलीतील शेलारवस्ती येथील हनीवेल इंजिनिअरिंग या थिनर निर्मिती क्षेत्रातील कंपनीला रविवारी (दि. 3) सायंकाळी सहाच्या सुमारास आग लागली. ज्वलनशील असलेल्या थिनरने तत्काळ पेट घेतल्याने थिनर शॉप पूर्णपणे जळून खाक झाले. मात्र, सुदैवाने यात कोणतीही जीवीतहानी झाली नाही. आगीचे कारण मात्र समजू शकले नाही.