उपचाराअभावी नवजात मुलीचा मृत्यू

उपचाराअभावी नवजात मुलीचा मृत्यू: रहाटणी। दि. २३ (वार्ताहर)

जन्माला आलेले बाळ मुलगी आहे, हे समजताच निर्दयी माता-पित्यांनी डॉक्टरला उपचार करण्यास प्रतिबंध केला. उपचाराला उशीर झाल्याने नवजात मुलीचा १६ ऑगस्टला मृत्यू झाला. याप्रकरणी बाळाच्या मृत्यूस कारणीभूत ठरल्याप्रकरणी काळेवाडीतील अँपेक्स रुग्णालयाच्या डॉक्टरसह, माता-पित्यांवर गुन्हा दाखल झाला आहे. याप्रकरणी हलगर्जीपणा केला नसल्याचे डॉक्टरांचे म्हणणे आहे.

आशिष चव्हाण, शीतल चव्हाण अशी त्या माता-पित्यांची तसेच डॉ. दत्तात्रय गोपाळ घरे असे डॉक्टरचे नाव आहे. ज्ञानदेव चाईल्ड लाइन पुणे संस्थेच्या संचालिका डॉ. अनुराधा सहस्रबुद्धे यांनी हिंजवडी पोलिसात फिर्याद दिली आहे.