राजकीय पोळी भाजण्यासाठी उपमुख्यमंत्र्याना 'टार्गेट'
पिंपरी, 27 ऑगस्ट
विधान परिषदेत अनधिकृत बांधकामे पाडण्यासाठी जोर लावणारे विरोधक पिंपरी-चिंचवडमध्ये येवून उपमुख्यमंत्री अजित पवार यांच्याबद्दल हिटलरशाही, मोगलाईची विधाने करत आहेत. राजकीय पोळी भाजण्यासाठी विरोधकांनी उपमुख्यमंत्र्यांना टार्गेट केले असल्याचा आरोप राष्ट्रवादी काँग्रेस पक्षाचे प्रदेश सरचिटणीस यशवंत भोसले यांनी आज (सोमवारी) पत्रकार परिषदेत केला. गोरगरीबांच्या घरांना हात लावा असे 'दादा' कधीही सांगत नाहीत. मात्र शहर नियोजनाच्या दृष्टीने नदी, नाले, आरक्षणांवरील अनधिकृत बांधकामांना त्यांना विरोध असल्याचेही भोसले यांनी स्पष्ट केले.
No comments:
Post a Comment