दोन महिन्यांत पोटनिवडणूक

दोन महिन्यांत पोटनिवडणूक: पिंपरी । दि. ११ (प्रतिनिधी)

महापालिका निवडणुकीत बनावट जात दाखला सादर केल्याचे सिद्ध झाल्याने राष्ट्रवादी काँग्रेसच्या सीमा फुगे यांचे नगरसेवकपद रद्द ठरविण्यात आले आहे. भोसरी गावठाण प्रभाग ३५ मधील रिक्त जागेकरिता पोटनिवडणूक घेण्यात यणार आहे. नगरसेवकपद रद्द केल्याचे महापालिकेने राज्य निवडणूक आयोगाला कळविले असून येत्या दोन महिन्यांत पोट निवडणूक घ्यावी लागणार आहे, असे महापालिका निवडणूक विभागातील अधिकार्‍यांनी सांगितले.

फुगे यांचे कुणबी जातीचे प्रमाणपत्र बनावट असल्याबद्दलचा आणि त्यांचे नगरसेवकपद रद्द करण्यासंदर्भातील शिफारस करणारा अहवाल आयुक्त श्रीकर परदेशी यांनी राज्य निवडणूक आयोगाकडे पाठवला होता. त्यानंतर पुढील कार्यवाहीचे आदेश आल्यानंतर निवडणूक आयोगाच्या सूचनेनुसार आयुक्तांनी फुगे यांचे नगरसेवक पद रद्द ठरविले. त्याबाबत ७ मार्चला फुगे यांना कळविले. फुगे यांचे नगरसेवकपद रद्द ठरल्याबाबत शिक्कामोर्तब झाले आहे. महापालिकेने पुढील कार्यवाहीला वेग दिला दिला आहे.