परप्रांतीय टोळी गजाआड

परप्रांतीय टोळी गजाआड: पिंपरी । दि. १४ (प्रतिनिधी)

नागरिक हेदेखील साध्या वेषातील पोलीस असतात, याचा परिचय हिंजवडीतील काही ग्रामस्थांनी रविवारी मध्यरात्री दिला. हिंजवडी परिसरातील एल.जी. कंपनीच्या गोदामावर दरोडा टाकून तेथील माल लुटून नेण्याच्या प्रयत्नात असलेल्या परप्रांतीयांच्या टोळीला जिवावर उदार होऊन पकडण्यात पोलिसांची मदत केली. मध्यरात्री साडेबाराच्या सुमारास येथील साखरेवस्तीत ही कारवाई करण्यात आली. सर्व आरोपींना पकडण्यात यश आल्याने चोरट्यांचा दरोड्याचा प्रयत्न फसला. त्यांच्याकडून धारदार हत्यारे जप्त करण्यात आली आहेत.