नका हो, आमची अनधिकृत घरे पाडू!

पिंपरी : महापालिका व प्राधिकरणाने सुरू केलेली अतिक्रमण विरोधी कारवाई थांबवावी या प्रमुख मागणीसह बांधकामे नियमित करा, शास्तीकर रद्द करा अशा मागण्या घेऊन शहरातील शेकडो लोकांनी आज विधानभवनाकडे कूच केली. ‘शहर बचाव, प्राधिकरण हटाव’ अशा घोषणा देत निघालेल्या या मोर्चात अबालवृद्धांचा सहभाग आहे. दोन ठिकाणी विसावा घेत रात्री तळेगाव दाभाडे येथे मुक्कामासाठी थांबले आहेत. उद्या येथून सर्वजण वाहनातून विधानभवनावर जाणार आहेत. पिंपरी-चिंचवड घर बचाओ कृती समितीच्या या मोर्चात सर्वपक्षीय कार्यकर्त्यांचा सहभाग आहे.