डरकाळीऐवजी केकावली

संदीप पवार - पिंपरी

तारा आणि जेरी या बिबट्यांच्या डरकाळ्यांनी दणाणून जाणार्‍या पिंजर्‍यात आता मोर आणि लांडोरीची केकावली ऐकू येत आहे. संभाजीनगर येथील महापालिकेच्या निसर्गकवी बहिणाबाई चौधरी प्राणिसंग्रहालयाचे नूतनीकरण आणि विस्तारीकरण सुरूअसल्याने आबालवृद्धांची लाडकी तारा-जेरी ही बिबट्यांची जोडी आता कात्रजच्या राजीव गांधी प्राणिसंग्रहालयात कायमची स्थलांतरित करण्यात आली आहे. त्यांच्यासह ९ माकडेही कात्रजला हलविण्यात आल्याने संग्रहालयात आता एकही सस्तन प्राणी नाही.