महापालिकेच्या नगरसचिवपदी उल्हास बबन जगताप पात्र

पिंपरी-चिंचवड महापालिकेच्या नगरसचिवपदासाठी राबविण्यात आलेल्या भरती प्रक्रियेमध्ये समाज विकास अधिकारी उल्हास बबन जगताप पात्र ठरले आहेत. याबाबतचा प्रस्ताव प्रशासनामार्फत आगामी विधी समितीच्या सभेपुढे मंजुरीसाठी ठेवण्यात येणार आहे. समितीच्या शिफारशीनंतर आणि महापालिका सभेच्या मंजुरीनंतर जगताप यांच्या नियुक्तीवर शिक्कामोर्तब होणार आहे.