फेरीवाला संरक्षण विधेयकांचे स्वागत

पिंपरी : केंद्र सरकारने हॉकर्सधारकांना संरक्षण देणारे (स्ट्रीट वेंडर्स प्रोटेक्शन ऑफ लाइव्हलीहूड अँन्ड रेग्युलेशन ऑफ स्ट्रीट वेंडिग बिल २0११) लोकसभेत मंजूर केले. याबद्दल पिंपरी-चिंचवड शहरातील टपरी, पथारी, हातगाडीधारकांनी पिंपरी येथील डॉ. बाबासाहेब आंबेडकर पुतळा येथे एकत्र येऊन आनंदोत्सव साजरा केला. साखर आणि पेढे वाटप केले. केंद्र सरकारने तातडीने हा कायदा करावा, यासाठी मुंबई फेरीवाला युनियनचे या संदर्भात पाठपुरावा केला होता. काल सकाळी पिंपरी येथे एकत्र येऊन सर्वांनी आनंदोत्सव साजरा केला.