साडेतीन कोटींच्या शिवणयंत्र खरेदीचा घाट

फॅशन डिझायनिंगच्या काळात घरगुती शिलाई मशीन कालबाह्य होत असताना पिंपरी-चिंचवड महापालिकेकडून शिवणयंत्र खरेदीवर कोट्यवधी रुपयांची उधळपट्टी सुरु आहे. आगामी निवडणुकांच्या पार्श्वभूमीवर आपल्या नावावर शिवणयंत्र 'खपविण्या'साठी नगरसेवकांच्या आग्रहाखातर सुमारे तीन कोटी रुपये खर्चून शिवणयंत्र खरेदीचा घाट घातला जात आहे.