औषधाविना गैरसोय

पिंपरी : अन्न आणि औषध प्रशासनाकडून सुरू असलेल्या कारवाईच्या विरोधात औषध विक्रेत्यांनी पुकारलेल्या राज्यव्यापी बंदला पिंपरी-चिंचवड शहरात शंभर टक्के प्रतिसाद मिळाला. त्यामुळे शहरातील शेकडो रुग्णांची गैरसोय झाली. याप्रकरणी उच्च न्यायालयाने दखल घेतल्याने पुढील दोन दिवस होणारा बंद मागे घेण्यात आला. रात्री पावणे आठला केमिस्ट असोसिएशन पुणेने आंदोलन मागे घेतल्याचे कळविले आहे.