मावळातील 25 उमेदवारी अर्ज वैध ; 1 अवैध

मावळ लोकसभा मतदार संघातील 26 पैकी 25 उमेदवारांचे अर्ज आज छाननीमध्ये वैध ठरले. तर एबी फॉर्म नसल्याने बसपाच्या एका उमेदवाराचा अर्ज बाद करण्यात आला.

मावळ लोकसभा मतदार संघासाठी येत्या 17 एप्रिल रोजी मतदान होत आहे. तत्पूर्वी उमेदवारी अर्ज दाखल करण्याच्या मुदतीमध्ये विविध पक्षांच्या 13 उमेदवारांसह अपक्ष 13 असे एकूण 26 उमेदवारी अर्ज प्राप्त झाले होते. या अर्जांची आज पिंपरी-चिंचवड महापालिका मुख्यालयातील निवडणूक निर्णय अधिकारी कार्यालयात छाननी करण्यात आली.