महिलांना प्रचाराचा रोजगारभत्ता

चिंचवड : शहरात लोकसभा निवडणुकीचे पडघम वाजायला सुरुवात झाली आहे. गाजावाजा करून प्रचार सुरू झाला नसला तरीही राजकीय पक्षाच्या उमेदवारांनी फेसबुक, व्हॉट्सअँप, ट्विटरसारख्या सोशल साइटवर प्रचार सुरू केला आहे. चिंचवड परिसरात प्रचाराची पत्रके वाटपासाठी महिला घरोघरी फिरत आहेत. महिनाभर का होईना, मात्र रोजंदारीवर काम मिळाल्याने अनेक महिला प्रचार कामात व्यस्त असल्याचे दिसत आहे. यामुळे अनेकांना रोजगार उपलब्ध झाला आहे.