अजित पवार कसा घेणार समाचार?

पिंपरी : मावळ लोकसभा मतदार संघाचा प्रचार प्रारंभ तळेगाव दाभाडे येथे मंगळवारी (दि. १८) दुपारी तीन वाजता होणार आहे. पक्षाचे सर्वेसर्वा, उपमुख्यमंत्री अजित पवार काय बोलणार याविषयी सर्वत्र मोठी उत्सुकता आहे. 
आमदार लक्ष्मण जगताप यांनी धुडकावून लावलेली उमेदवारी, यानंतर उमेदवारी स्विकारण्यास अनेकांनी दिलेला नकार, यातूनच उमेदवार शोधाशोधीसाठी झालेली दमछाक आणि दम देऊनही ‘सकाळी एकाकडे आणि रात्री दुसरीकडे’ जाणारे पदाधिकारी यामुळे ते उद्विग्न झाले आहेत. या पार्श्‍वभूमीवर ते कोणाचा समाचार घेणार याविषयीचे तर्कविर्तक लढविले जात होते.