वायसीएम आगामी काळातील महत्त्वपूर्ण रुग्णालय - डॉ. संचेती

यशवंतराव चव्हाण स्मृती रुग्णालयाचा रौप्य महोत्सव

यशवंतराव चव्हाण स्मृती रुग्णालयाने पंचवीस वर्षे रुग्णांच्या सेवेत महत्वपूर्ण योगदान दिल्यामुळे आगामी काळातील वैद्यकीय क्षेत्रातील एक महत्त्वपूर्ण रुग्णालय म्हणून याचा नावलौकीक होईल. भविष्यकाळामध्ये हे रुग्णालय वैद्यकीय महाविद्यालय होईल या दृष्टीने रुग्णालय निर्मितीच्यावेळी नियोजन केल्याने आज हे रूप दिसत आहे. असे मत पद्मविभूषण डॉ. कांतीलाल संचेती यांनी व्यक्त केले. पिंपरी चिंचवड महानगरपालिकेच्या यंशवंतराव चव्हाण स्मृती रुग्णालयास आज 25 वर्षे पूर्ण झाल्याच्या पार्श्वभूमीवर रौप्य महोत्सव कार्यक्रमाचे आयोजन करण्यात आले होते. त्यावेळी ते प्रमुख पाहूणे म्हणून बोलत होते.