नंबरप्लेटवर अक्षरांचा खेळ

रहाटणी : वाहनांवरील आरटीओ नोंदणीच्या ‘नंबरप्लेट’वरील आकडे अक्षरांसारखे रेखाटण्याची क्रेझ वाढत आहे. आकड्यांमधून कुणी नावाची जुळणी करतोय, तर कुणी आडनावाचा रूबाब दाखवतोय. आकडे ‘फॅन्सी’ पद्धतीने रेखाटत काहींनी ‘लव्ह’ साकारलंय, तर देवतांची नावं टाकून काही श्रद्धेचे प्रदर्शन घडविण्याचा प्रयत्नकरीत आहेत. त्यामुळे वाहनांच्या नंबर प्लेटवर आकड्याऐवजी अक्षरांचा खेळ दिसून येत आहे. हे नियमबाह्य असूनही प्रादेशिक परिवहन कार्यालयाकडून (आरटीओ) यावर कोणतीही कारवाई केली जात नसल्याची खंत नागरिक व्यक्त करीत आहेत.