माजी नगरसेवकाच्या अनधिकृत हॉटेलवर कारवाई

ताथवडे येथील सर्व्हे क्रमांक 51/3/1 मधील श्रीरंग विहार सहकारी गृहरचना संस्थेच्या मोकळ्या जागेतील माजी नगरसेवक सतीश दरेकर यांचे हॉटेल उच्च न्यायालयाने अनधिकृत ठरविले आहे. कारवाईसाठी दिलेली चार आठवड्यांची स्थगिती उठवत हॉटेलचे बेकायदा बांधकाम भुईसपाट करण्याचे आदेश दिले आहेत. त्यानुसार महापालिकेकडून आज (सोमवारी) हे हॉटेल हटविण्याची कारवाई सुरु करण्यात आली.