महापालिका प्रशासनाने 'आठवड्याचे मानकरी' उपक्रम गुंडाळला

पिंपरी-चिंचवड महापालिकेत नवा गडी, नवे राज्य असा कारभार सुरु आहे. चांगले काम करणा-या अधिका-यांच्या पाठीवर कौतुकाची थाप टाकण्यासाठी तत्कालीन आयुक्त डॉ. श्रीकर परदेशी यांनी सुरु केलेला 'ऑफिसर्स ऑफ दी विक' (आठवड्याचे मानकरी) हा उपक्रम नवीन आयुक्त राजीव जाधव यांनी गुंडाळल्याची चर्चा आहे. गेली महिनाभर या उपक्रमात खंड पडल्याने अधिकारीवर्गामध्ये नाराजीचा सूर आहे.