उच्चदाब वाहिनीखाली शाळा

त्रिवेणीनगर, मोरेवस्ती, म्हेत्रे वस्तीतील स्थिती; मनोऱ्यांची उंची वाढविल्याचा परिणाम
पिंपरी - रहिवाशांच्या जिवाला धोका निर्माण होत असल्याने महापारेषण कंपनीने त्रिवेणीनगर, मोरेवस्ती, म्हेत्रे वस्ती परिसरातील उच्चदाब वाहिनीच्या मनोऱ्यांची उंची वाढवली. मात्र, त्याचा उलटा परिणाम दिसू लागला आहे. काही नागरिकांनी उच्चदाब वाहिनीखालीच इमल्यावर इमले बांधण्याचा सपाटा लावला आहे. काहींनी तर शाळा थाटल्या आहेत. सध्या मोरेवस्ती परिसरात दोन उच्चदाब वाहिन्यांखाली तीन शाळा आणि चार बालवाड्यांच्या इमारती असून, हजारो विद्यार्थ्यांच्या जिवाशी खेळ खेळला जात आहे.